Maung lugay - jaipongan

Amar Sakti

sri tinun ing pasiwakan
busana maneka warna
sri tinun ing pasiwakan
busana maneka warna
serba kapuspiteng wedia dangiang
ngiang pajaraking sarwa rukma
rengking manik narawatala, danarawatala

banglus lampahipun, gentur kang tinutur, gentra kang cinarita, gelis kang kapiwargi, enggal anu kacarios, ngawios santru, kawontenan nagara Sawarga Bandang.
Ieu nagara Sawarga Bandang, nyaeta hiji nagara anu parantos, sasatna keceluk kakandang ngewu, kakocap kajanapria, kajamparing angin-angin. Dupi anu jadi kakasih nalendra, raja di ieu nagara Sawarga Bandang, kakasih raja Jayeng Suksena.
Anu dina danget ieu, sang nalendra nuju nekawahing sepi natukalangga, lenggahing dedampar denta pinalik keping sososan nengarawat nalemek babut pramuganik gidanda jembar kastori lan sinebaran sari-sari.
Demagian patih, kakasih Jayeng Suksara, kalayan senopati ngalaga pahlwan kakasih Jayeng Denta. Sami tungkul kamari kerut nyembah ngalimbang, sabda ajrih ningali pamor nalendra. Watek wantos sang nalendra sakti mandra guna. Pangawakan jangkung gede simbar dada, bewos simbros taya papadana, pasemon lir bangbarongan. Umpama ngandika sentak sengor.
Godehera ngandika kedaling lisan, mekaten pengandikanipun:
Raja: hayya, hihihi. Kakang ingsun patih Jayeng Suksara, coba ka harep diukna. Oge senopati adi akang, ait.
Patih: heuheu, paduka. Abdi gusti nampi datang kembali, kalayan unjuk sumangga ngahaturkeun sembah bakti kahunjuk panjenengan, sri paduka.
Raja: hiya haha, paatiiih
Patih: Kaula
Raja: Pujastuti sampean aku trima dening tangan loro kiwa tengen, simpen peluhing hati pundehing mastaka, eit.
Patih: Nuhun paduka, kalihna perkawis
Raja: Naooon?
Patih: Agung sega cukup lumur, jembar pangapunten anu kateda tina perihal kalepatan, paduka.
Raja: saling maklum
Patih: Nuhuuun, aya pikersaeun naon kaula dampal gusti kersa nimbalan ka kanjeng adi.
Raja: Tunggu!
Patih: Mangga
Raja: Seopatiii
Patih: Ka payun, yiiii!
Senopati: Werrr, heuheu. Sri paduka gusti, pupudening ati sembaheun abdi-abdi saeusi nagri. Abdi gusti nampi kana pembagi kalayan ngahaturkeun sembah baktos ka hunjuk panjenengan.
Raja: hiya, ditarima senopati
Senopati: Ka hunjuk kakang mas, kakang patih
Patih: Ditampi, nuhun kakang panji
Senopati: Kalih ti eta, aya pikersaeun naon ieu teh gusti, kalayan hapunten, bilih kirang tata, kirang titi, duduga prayoga, cologog sareng sajabina, maklum ciri sabumi, cara sadesa, nya wadah tutung biritna, sacarana-sacarana. Bilih aya cara nu kabantun ti desa, nu kajingjing ti pakeumitan, nu kagusur ti kampung, anu teu sapuk sareng mamanahan, maklum bae nu dusuhunkeun.
Raja: Hiya haha, saling malum yiiii
Senopati: Nuhun
Patih: Nuhun
Senopati: Aya naon?
Raja: Yah, ieu
Patih: Aya pikersaeun naon?
Raja: Patih, ya saperkara kula sono. Kadua perkara kuka ngahaturkeun nuhun kana jasa sampean patih oge senopati, oge sajumlah aparatur negara, euu. Ku pangrojongna, ku sumangetna gawe dina ngeusian kamerdejaan dina ieu nagara, kalayan kula amanat sangkan ditingkatkeun dina sagala widang kagiatan.
Patih: diestokeun pisan paduka
Senopati: Ehh gusti, diestokeun pancen paduka, kalayab dina waktos ayeuna katingal pesatna pembangunan upami dibentenkeun sareng taun-taun anu tos kalangkung, aduh asa teubih pisan paduka
Raja: Hiyaa, hahaha. sukuur
Senopati: Sagala ningkat gusti, dina waktos ayeuna teh, harga ningkat gaji naek, enya, kitu kulan.
Raja: sukur, sukur. Sajaba ti kitu, kula ngahaturkeun linggih rayi patih oge senopati, meureun katingali, tingali awak kula, sasat dina waktu ayeuna teh alum ngangum, bingung nu teu manggih tungtung, susah nu teu aya papadan, keueung, asa euweuh pibatureun hirup, tiris asa euweuh pisimbuteunna, hareudang asa euweuh pikipaseunna, patih….
Patih: Kaula, naha aya kapalay naon atuh paduka?
Senopati: emmm, sae blak-blakan wee atuh gusti, da upami salira teu damang mah, mantak jadi dugi ka abdina
Raja: Ku hal eta, ari anu jadi panyakit kana batin teh lintang ayana kanyaah anu nyantel dina hate, anu kajadi anak. Emang kitu mungguhing ka anak, komo mun seug loba, nyaksian nu loba anak geuning kitu, kanu gede nyaah kugedena, kanu leutik nyaah kuleutikna, kanu lalaki nyaah kulalakina, kanu awewe nyaah kuawewena, kanu pinter nyaah kupinterna, sanajan kanu bodo oge nyaah kubodona, rayiiiii, ku ayana kula boga anak awewe….
Patih: euleuh… euleuh… lah.. lah…. Tuang putra aya ku naon?
Raja: Sasat dina waktu ayeuna teh geus rumaja putri, mikiran kaula teh, da kaula teh moal hirup bae, tangtu aya anu kudu baris nuluykeun ieu nagara, si nyai kudu boga salaki, sok sieun teu payu anak kula, patiiih…
Patih: Na ari paduka, Pangeran mah moal bade nanggeuy tina bongkokna, gusti. Tangtos aya jodona eungke oge
Raja: Tapi kula hayang nyaho, ka urang mana? saha? Jadi kula pati-pati hayang boga manantu teh kahiji manusa, sasat anu pinuh elmu, jembar panalar, sugih kupangarti, beurat benghar, bru di juru, bro di panto, ngalayah di tengah imah, buncir leuit loba duit. Cikan ku kira-kirana talaah, ka urang mana pijodoeunna? ka saha? kitu kaayaan nana, kula teh hayang nyaho piminantueun ti ayeuna keneh, kiiiitu patih, oge senopati.
Patih: heuheu, rupina tos teu sabar palay mantuan
Raja: Hiya, hahaha. Kaula teh sabenerna hayang geura hajat, hayang ngumpulkeun esss cees, para inohong hayang kumpul, bari di gigireun anak kaula digendeng ku minantu kula bari kasep barina beunghar, kitu patih, sabenerna kaula teh.
Patih: heuheu
Senopati: Gusti, ke sagala ditabeuh, gamelan nu paling sae, gamelan beusi, milarian nu sae, enya. Naha di Marhaya di Pasir Huni, enya gusti, batur mah nong ning nang nong nang nang ning, sora saron teh. Ieu mah nok nak nik nak nok nak nak nik, kaya sora sandiwara baheula kitu tah. Atuh urang naggap Beluk mah, di Cibiuk, nanggap Cilempungan. Atuh urang hiasna aya ti Kiara Condong, garwana Pa Guru Suparman, nanggap Nengkong ti Jangkurang, hubungan we Bapak Lurah Jangkurang, Bapak Komar, kitu kulan gusti, sakanteunan nyuhunkeun sayur-sayuranna, ti Abah Komar Bapak Lurah Jangkurang, sarupaning cabe, tomat, wilukembi sareng sagalarupi-sagalarupina wae keumpeulkeun nya gusti.
Raja: Hiya, haha
Senopati: Peryogi kembang, ka dinya we, ka Wastu Kancana, ka Pa Haji Andun, enya
Raja: sukur… sukur…. Keun soal eta, ngan ieu soal pijodoeunna anak kula ka urang mana?
Patih: Cing sugan rayi apal?
Senopati: sae, dupi kakasihna sah eta tuang putra teh?
Raja: Puspa Kancana Wati
Senopati: emmmm, Puspa Kancana Wati. Ari Pu kulon, Pa kulon keneh, Ka wetan, Ca wetan, Na wetan, Wa kidul, Ti kidul. Ari pijodoeunna teh seueur, ti kidul aya, ti kulon aya, ti wetan aya, gusti. Sumuhun, mangga pilih we eta mah, duka pipindahan ieu teh jodona teh, duka kumaha ieu teh.
Raja: Sing baleg siah heah….
Patih: heuheu, maneh mah asal jadi duit wee jadi dukun teh, enya
Senopati: Muhun kulan gusi kitu tah, heueuh da abdi mah jalmi balelo teu aya kanyaho gusti. Nanging aya hiji Pandita nu wacis
Raja: Heat…..
Senopati: Aya hiji pandita nu wacis, malahan mani kajojo eta pandita teh ku jalma-jalma nu hayang payu dagang, nu hayang geura buru-buru jodo, anu palay…. ahh rupi-rupi we ka dinya mah gusti. Palay jadi kuwu, palay jadi RT bae aya, aya oge nu palay tilar ti dunya.
Raja: Hiya, hahaha. Saha?
Patih: Saha ki adi?
Senopati: Ari pandita teh, kakasihna teh, Pandita Sidik Mulya
Raja: Sidik Mulya?
Senopati: timbalan gusti
Raja: Sidik Mukya teh urang mana?
Senopati: duka ti Gondol, da sidik… sidik, Haji Sidik ti Gondol mah nya? tah kitu kulan gusti
Raja: Urang mana?
Senopati: di dinya, di perbatesan, puser dayeh, gusti
Raja: Cikan calukan lamun enya bener eta aya pandita wacis
Senopati: Yeah, saciduh metu, sakecap nyata numutkeun wartos anu kening dipercaya, malihan weruh sadurung winara
Raja: kituuu
Senopati: Yeah
Bingah amarwatasuta, bingah amarwatasuta. Bingahna kagiri-giri, ya ingkang midanget, ingkang midanget
Raja: iya, hahaha, coba menta supaya teang eta pandita, senopati
Patih: Geuning, cing hayang nyaho teang ku andika ki adi
Senopati: ohhh, ayeuna gusti
Raja: Yeah
Senopati: sae, kulan gusti, bade kana kareta bae supados cepet, nya gusti
Raja: Yeah, haha. Indit
Senopati: Amit gusti paduka. sampun dawuh tuntas pangandika
Raja: Indit
Teu kacatur lami dijalanna, ieu pandita Sidik Mulya parantos kacandak ku ieu utusan, nyaeta Senopati Denta. Wontenan tawis dangu saprapnipun sapuk rata ngadep pangkonan nalendra
Raja: Hiya, haha. Tingali si senopati geus datang patih
data nira datange demang, pagulingan rana, ewuh pagulingan rana, wis dihin pinasti kersa yang widi
Pandita: Asa galaleumpeur teuing jisim abdi dicandak ka ieu karaton
Senopati: Ahhh tong asa-asa jeung reuwas, abah aki. Tenang we abah aki, nya. Nu peunting mah komisi we ka uing, uang dengar
Raja: Kapayun, pandita
Patih: Tong era-era, cobi ka payun bapa kasepuhan, sok asup-asup
Pandita: Pangapunten abdi nun
Raja: Cobi kapayun, hiya haha. Ulah ngeleper
Pandita: Kualalajrih we jisim abdi teh, nun. Kalayan sembah kapihaturkahunjuk panjenengan sri paduka
Raja: Hiya haha, ditarima bapa kasepuhan, maha pandita
Pandita: Kalayan punten, kapeungkeuran ieu gusti patih
Patih: mangga, linggih… linggih
Pandita: Kalayan unjuk sumangga, aya pikeursauen naon
Raja: hiya, kieu
Pandita: aduh (reuwas)
Patih: Heuheu, aki cing apal, cing uninga ka adat sang nalendra, sanajan bari jeung sahaok kadua gaplok, tapi manahna mah sing percanteun, bersih, sing teugeur
Raja: Kieu aki, kula bakal nanya ka aki, yeun kula boga anak awewe, memang ieu kula salaku bapana, eta anak kula geulis kawanti-wanti, endah kabina-bina, lucu teu aya nu nuruban, nu nireb lir bidadari nu lumungsur ti kahiangan eit, ari ngarana pun anak Dewi Puspa Kancana Wati
Pandita: Tuang putra teh kakasihna Dewi Puspa Kancana Wati
Raja: iah, senen wedalna, ari anak kula geus rumaja putri, dina waktu ayeuna anak kaula kudu boga salaki
Pandita: emm, tangtos, da ari pangeran mah parantos ngayakeun jojodoan sun, bakal aya jodona, komo ieu bari putra raja.
Raja: Tapi aki, pati-pati kula boga mantu, hayang ka jalma anu beunghar, anak raja, ait. Jalma nu hurung nangtung, siang leumpang, bru di juru, bro di panto, ngalayah di tengah imah. Tanpa kudu saluhureun kaua harta kakayaanna mah, atuh saimbang-saimbang, dina hari waja jeung waja, bos jeung bos, sabab anak kaula, eee salaki wanita karier
Pandita: mudah-mudahan
Senopati: Mudah-mudahn gusti, tuang putra teh leres gaduh jodo nu nyaah
Raja: Yeah, hahaha. Jawab aki, lamun anjeun bisa ngajawab urang mana jeung saha pijodoeunna, dina harti geus bisa ngabungahkeun hate kaula, kasepuhan
Patih: cing, kadinya jawab kasepuhan
Senopati: cingan sokrrr
Raja: Kaula bagja barina sugema, mun ayeuna kasepuhan tiasa ngawaler, anak kaula ka urang mana? ka saha? tapi sarat kaula jeung kahayang hate, yeah teu pati-pati kaula boga mantu oge hayang ka jalma gagah, kasep, beunghar, kituuu kasepuhan, hiya haha, cobiii!!!
Jar meneng… meneng, gusti petenge ati nira. Jar meneng… meneng, gusti petenge ari nira. Lir kalimpudan mega bundara, awor mega putih, kuwala salin sumbada.
Ieu pandita Sidik Mulya sakedapan botenna wangsul, marganepun petenge galih.
Gohendehera ngandika:
Raja: Jawab kasepuhan!!!
Patih: aduh (rewas), cikan kadinyah!
Senopati: sokrrr, piduiteun ieu teh. Komisi we uing mah, 30%
Pandita: nun gusti prabu. Paralun maklum kasuhun, weuning galih anu dipamrih, hapunteun anu diteda. Kaleubeut kana istilahna tiwu kacongo-congona ku amis, puhuna ge parantos amboy. Atuh bujeng kaula jalmi bodo balelo teu aya kanyaho, geuning salira ge dugi tataroskeun ka jisim abdi, komooo abdi
Raja: eit, teu bisa. Ari sabab anjeun mah pandita, anu gentur tapana waspada tingal, lamun ayeuna anjeun teu bisa ngajawab, urang mana jeung saha pijodoeun anak kaula, dina harti ulah aya di nagara kaula turta anjeun bakal dipaehan ku kaula.
Patih: Uluuh, hihi. sok kadinya, jawab!!
Senopati: sok, tong hararese ihhh. Batur mah munjung muja hayang panggih jeung raja, ieu teh proyek gede, bakal loba nu manggil deui, komo panggih jeung raja mah ulah lalawora. heuheu, ngarah buntutna, sugan jadi pandita teh aya nu manggil nyalung, heuheu
Raja: Jawab!!!
Pandita: sae… sae.. nanging, da jisim abdi ge bade naroskeun deui kana elmu
Raja: cobi… coba, coba
Pandita: urang tingal dina hoa hoena, urang susul dina rumusna, urang tilik dina pancakakina, urang papay dina riwayatna
Raja: yeahaha, coba… coba
Lajeng bae ieu pandita Sidik Mulya meureumkeun socana. Menekung kanu maha agung, muja brata kana hiang masuk. Sing nantrat tumambrat masuk ya mlarat sirna watek aji danar, danar
Luak lieuk si aki
Senopati: ieu eta teh nuju menekung rupina
Patih: heuheu, tong diganggu hayang nyaho
Adipati: heuheu
Raja: hiyahaha. bingah, di mana si aki geus seuri, dina harti panggih, coba!!!
Pandita: leureus sun, paduka. tuang putra teh bakal kenging jodo
Raja: eit, bener?
Pandita: Aya jodona
Raja: Urang mana, ehhh raja beunghar?
Pandita: mangga antos sakedap
Patih: cing…. cing urang mana? urang mana?
Senopati: bener… ieu aki-aki teh bisa ngajawab, heuheu bisa jadi ti mama ajeungan Asep Oni ti Conggeang jigana mah
Pandita: leureus tuang putra teh bakal kenging jodo pasti kahiji putra raja.
Raja: anak raja?
Pandita: sumuhun
Raja: hiya haha
Bingah amarwata suta, bingah amarwatasuta, bingahna kagiri-giri lagiatinira, ya ingkang midanget, ingkang midanget
Raja: hiya haha, anak raja nya ki?
Pandita: sumuhun
Raja: raja mana?
Pandita: ari rajana teh, raja sangsara
Raja: eit, raja naon?
Pandita: raja sangsara
Senopati: sangka raja Nambrud
Patih: sugan teh raja singa
Senopati: atanapi ditikahkeun ka cau raja
Patih: heuheu
Raja: Raja Sangsara kumaha?
Pandita: sumuhun, raja sangsara balangsak, hirupna heleut pakeeun, pusat bahan lieuk ragap teu aya
Raja: ait, kurang ajar bangsat
Pandita: ihhh, da ieu mah sanggem elmu, sanes saur jisim abdi, bongan ditaroskeun atuh. Isuk nganggur sore lapur teu aya pidamelan eta raja teh
Raja: kurang ajar, teu sudi kula boga minantu kitu, saha ngarana?
Pandita: ari kakasihna teh Nala Gareng
Raja: saha?
Pandita: Nala Gareng
Raja: coba eta piminantueun aing ngarana Gareng, hait
Pandita: kitu numutkeun tina ramalan elmu
Patih: wah, ngahina maneh pandita
Pandita: aih, bongan ditaroskeun atuh
Raja: urang mana?
Pandita: urang Tumaritis, anakna Semar Badranaya, ti nagara Amarta
Raja: kurang ajar
Purwatiwa hong singrep, purwadewa denira, nafsu kang kagila-gila, ya kagila-gila, ingkang ngalaga lawa
Raja: kerrr…. bangsat, kurang ajar (bari nenggel pandita)
Pandita: aduh gusti ampuun
Patih: na atuh ka mana bae karep ngomong teh aki-aki teh yeuh
Senopati: nu matak letah teu tulangan, biwir teu diwengku teh kitu tah aki aki teh. teu nyaho piduiteun si weweleuk teh, mun ceuk irang mah na atuh pira ditanya
Raja: kurang ajar bangsat, teu sudi abrig-abrigan, teu suka aprak-aprakan aing, jawaban anu mantak teu ngenah, aing tersinggung (prak pandita ditenggel deui)
Pandita: aduh gustiii
Raja: patih… ieu cucungik pandita, si Sidik Mulya, asupkeun kana obag, ieu sibangsat ulah dikaluarkeun omat
Pandita: aduh ampuun
Patih: atuh na ari maneh teh aki-aki
Senopati: ah belegug, teu jeing adeuhngomongna teh. boro-boro hayang nyuguhan ka eta aki-aki kitu patut, komo keur ngorana, cacak geus aki-aki pikageuleuheun, asa kabina-bina teuing ihhh
Raja: wayahna abuskeun kana obag ieu sibangsat!
Patih: mangga paduka
Raja: kahiji, kadua eta anu ngaran Gareng, bisi heueuh, ngajodo ka anak aing, wayahna cokot, paehan eta si bangsat, heah. bisi ieu mah bisi
Patih: sae, ngajaga bilih, ngajadi ngajodona ka tuang putra, sae paduka, ihhh wiwirang urang sadayana, urang paehan si Nala Gareng. Urang mana bieu tadi teh siah hah?
Pandita: urang Tumaritis putra Semar Badranaya ti Amarta
Patih: yeah nuhun. leubeutkeun wae ieu teh kanu obag paduka?
Raja: yeah, bawa eta si bangsat, bari langsung patih indit, senopati jugjug nagara Amarta, kampung Tumaritis, podaran anu ngaran si Gareng aeh, indit!
Patih: tingali raja bendu, ngajengkat, da ieu kamana karep bae (bari gajitak pandita)
Pandita: aduh gusti maha agung
Senopati: ari geus kieu sasambat kanu agung, padahal keun bae bohong oge, bejakeun ka dewa kitu pijodoeunna teh, keur ngabubungah raja. ahhh teu nyahoeun
Pandita: pan kedah konsekewen
Patih: ah nyanyahoan siah make konsekwen sagala, hayo indit…. indit
Pandika: bade dicandak ka mana ieu teh, nun
Patih: kana obag kurang ajar
Pandita: aduh….
Patih: indit… indit….
Atuh ieu pandita anu kasebut Sidik Mulya, nyaeta digunyang ganyeng ku ieu patih kalayan dilebetkeun kana obag, teu tiasa kaluar da puguh tohaga pisan ieu obagna.
ieu patih lan senopati ngarencana lumampah ka kampung Tumaritis, bade nandasa Nala Gareng, putra Lurah Semar Badranaya.
Patih: ki adi ka dieu, urang indit ka Tumaritis, carana akang asup ka jero, maneh ngabongohan, dimana-mana aya kulawargana, ku aing rek dibawa kanu anggang, tah wayahna si Nala Gareng bawa ku maneh!
Senopati: hunjuk sumangga, kulan
Patih: hayu pada lumampah jeung kaula!
‪#‎lagu‬ heula#
Patih: ulah sambat kaniaya Nala Gareng
Senopati: werrr
banglus lampahipun ieu utusan ti nagara Sawarga Bandang, patih lan senopati nagjugjug Tumaritis bade nandasa Nala Gareng.
‪#‎sinden‬: ucap lampah anu teu guna, dijauhan dirina, sabab yakin balukarna, bebendon pasti tumiba…. tara ngoretkeun ku rijki, dibikeun nu lain hakna, mun pareng timbul gogoda, dunungan. birangin wasta eeeh, tara lepas tikarepna….#
tok tok tok
papar wisamia, nempel ku tutunge, sami pangpangna sekar, sekar wending galih, pandeuleu si pandan arum
beu, banglus lampahipun utusan ti nagara Sawarga Bandang, patih lan senopati lumampah gidig bade ngala nyawa ieu Nala gareng putra Semar Badranaya.
keun urang tendeun dihandeuleum sieum geusan sampereun, cag urang tunda dihanjuang siang geusan alaeun, paranti nyokot ninggalkeun, mangsa datang sampeur deui.
ayeuna urang nyarioskeun kaayaan kampung Tumaritis desa Nagrog. estuning tiis jempling, combrek nu teu aya papadana, wireh Semar Badranaya teu aya, parantos lami. Atuh Dewi Siti Ragen, pinanggih sareng katunggaraan, katurug-turug ieu Nala Gareng putra Semat anu bungsu teu damang wales, kitu kaayaanna.
Astrajingga, Dawala silih geunti, nyaeta sasat milarian pilandongeun. anu kaleresan dina waktos ayeuna riung mungpulung.
Dewala: duh a, keun bae, tong ngalamun bae, ciri-ciri si Gareng teh dipercaya keneh kunu kagungan.
Cepot: lain eung, dewek teh anu jadi sedih teh bapa euweuh, ngenes, euweuh beja, euweuh carita katut katurug-turug duda-duda daratang ngalamar ema, heueuh, lain nambahan bungah aing mah kunu kitu teh. ieu deuih ku ayana panyakit si Gareng nu terus-terusan
Siti Ragen: Dalawa….
Dawala: abdi ema
Siti Ragen: ka dieu anaking karumpul, ema aya picaritaeun. cik atuh Gareng geura cageur, ema teh kudu kumaha?
Gareng: duuh, aduuuh nyeuri hulu ahhh
Siti Ragen: cing sabar, cing kuat Gareng, anaking, anak ema, peperiheun bapa maneh euweuh Gareng.
Gareng: bujal nyeuri ema, aduuh
Siti Ragen: ma enya panyakit seserelekan kitu?
Cepot: Gareng… ieu akang yiii
Dawala: Reng, sing kuat Gareng, ieu akang
Gareng: aduuh, hayang ngahakan lauk laut aing, aduuh
Cepot: ari geus aya kahayang tara didahar, samar kahayang meureun si Gareng teh Dawala, jeung tibatan ditinggalkeun paeh ku silaing mah Gareng, leuwih hade anjing dewek wee bae paehan
Siti Ragen: nyaah teuing anaking anak ema Gareng, diusahakeun mah diusahakeun, tapi kumaha?
Dawala: ah da geus diusahakeun
#sinden: batin ceurik….#
pujanis tatih dihin pinasti kersa sanghiang widi, wis kena dihin pinasti kersa jiyang widi, widiii… widiiii…
Siti Ragen: duh anaking anak ema Gareng, paribasana ema kajeun ngorbankeun jiwa, jeung tibatan nu jadi anak kumalayang masing pati tumekaning perlaya, deudeuh teuing bapa maneh ngiles, kakang di mana ayana?
Cepot: palangsiang bapa dewek teh kabawa banjir, enya, diwawaas teh ngabebengkang dina leuwi, ngambang
Dawala: em…. palias. meureun bapa urang teh keur neangan ubar
Cepot: na da inditna ge, keur cageur si Gareng
Dawala: da bapa mah waspada, meureun mana kitu oge. lain ari tadi dipopokan naon tarangna teh?
Cepot: jahe. jahe meunang ngurud jeung lauk emas trus dipopokeun
Dawala: gelo… heuheu
Cepot: trus dibuleun ku saputangan, banjur ku kecap
Dawala: eta… haha
Siti Ragen: na ari maneh, boh keur sedih, boh keur bungah teh anger wee harereuy, ulah loba teuing heureuy maneh teh Dawala, Astrajingga, apanan sidik… apanan sidik ieu teh dulur maneh anu sakieu ripuhna
Dewala: Gareng…. Gareng…
Gareng: aduuh…. aduh nyeuri hulu aduuuh
Dawala: pencetan ku aka?
Gareng: alah… enong kang
Dawala: naon Reng, ieu akang di gigireun Gareng
Siti Ragen: ieu ema, Reng
Cepot: ka dewek mah teu nanyakeun nya euy, heuheu
Gareng: aaduh… hayang ager, kang
Dawala: hayang ager? mana a, ager teh tadi?
Cepot: apanan beak ku dewek
Dawala: uh em, tobat gusti, eta teh keur nu gering
Cepot: naha da nu geuring mah moal ngenaheun, ka dewek ge ngomong, kamari pait cenah si Gareng teh, barang dahar teh
Dawala: ari kamari dahar naon atuh si Gareng, ieu beuteungna rada teuas?
Cepot: dibere kapas ku uinh teh
Dawala: heuheu
Cepot: ampun… kumaha atuh si Gareng teh euy? dewek teh kudu kumaha, geus tatanya ka ditu ka dieu, ka Pa Kemit, nu jadi pa kuwu ayeuna di Kemitan, didatangan ku dewek teh, titah dibere pais jawer hayam bangkok, dilaksanakeun ku dewek, heuheu
Gareng: aduh… cangkeng nyeuri, aduuuh gusti nu agung, ieu panyakit kabina-bina, aduuuh
Dawala: tobaaat, moal ginjal kitu? wayahna Reng, lamun nyeuri cangkeng kudu loba nginum
Gareng: aduuuh, laah, tatangga aing sareuri, aing gering sugan neang?
Dawala: nya keun bae, keun bae Reng
Gareng: aduuuh…
Dawala: cangkeng ieu anu nyeuri teh?
Gareng: enya eta kang, alah, aduh… aduh tuur nyeuri kang
Cepot: na ieu panyakit kabina-bina teuing
Gareng: aduh kang, aduh….
Cepot: padahal sakali-sakali mah panyakit teh pindah kana panto, euh hihihi, sugan ari pindah kana panto mah moal gogorowokan teuing
Siti Ragen: ari maneh Cepot, Dawala
Cepot: ari kitu tea mah ema, da heueuh jelema atuh, di dunya lain urang wungkul anu kena panyakit, da sarerea ge ngalaman ari soal gering mah, romantika kehidupan. bungah, seuri, ceurik, wah suka duka teh kudu kapanggih ema, di dieu urang teh meunang elmu Dawala, dina kajadian sarupa kieu, nyaeta singhoreng di dunya teh teu abadi, naon atuh anu abadi di alam dunya, yaini yaitu tidak, naon? ketidakpastian. yang abdi itu ketidakpastian
Dawala: ahhhh, enggeus tong dalil bae, ieu angguran si Gareng yeuh
Gareng: aduuh…. ema
Cepot: Bull… kukus ngelun ka manggung…
ka manggung neda papayung, ka batara neda suka ka pohaci neda suci, pun paralun ka sang rumuhun ka batara-kabatari, kabatara nagaraja, ka batari nagasugih, batara pang raksa jagat batari pang hurip bumi… ampun paralun… pun paralun kaseuneu panyeukeut deuleu, ka bayu pangusap sukma ka cai panghurip diri, ka lembah panghudang rasa, pijamaeun da ari mulang, pun paralun ka pohaci dangdayang sari ka ambu sari pangasih, ka ambu sari ning bumi, ka ambu sari ning hurip, ampun paralun, buru limana putih lemah dempak lemah dampit lemah cikal lemah bakal lemah panginungan rasa nu nyanggal sareng ka kujang, ka buyut kukung buyut kukung ulang alung di tengah camentrang herang, mata wene beureum koneng lang sinulang nyerengkebeng
asal nyusup buluk gulung asal nu ngabak pakuan, paralun ka gunung nu bakal ka catur, ka lembah bakal ka saba ka tangkal bakal ka pahpral ka cai baris ka sungsi…
ci haliwung nu nyang ngidul cisadane nu nya ngaler, ci hanjuang nu nyangetan ci peucang kiruh ti girang, ci kapundung ulah pundung lulurung tujuh ngabandung ka dalapan teu di sorang… buru lingga asta bahe sajeroning rajah, rajah kenang rajah kening punah ku rajah pamunah, bumi rucita, jagat rucita, jaya sang kalawisesa, neukteuk leunjeur nilas adegan, Kabeh siluman sileman jayana mangka sing seda, sedana beunang ku aing, aing nyaho ratu sia nu calik di gunung bukit,
gunung bukit buligir putih, palias punah ku rajah pamunah, amit-amit neda widi seja heureuy papantunan bisi hariring teu uni,
bisi haleuang heunteu merenah, ulah ngait kana fikir, ulah rengat kana manah,
tungul sirungan catang akaran muga bangblas ku hampura… amit-amit neda wida amitan kanu tos mangkat pindah alam ku wayahna lumentang di alam panjang, poe padang nagara tunjung sampurna. Pun paralun nu mapadane, ngusik-ngusik nu keur calik, ngeubah-ngeubah nu keur tapa, bisi aya nu kasebit nami keur alit, bisi aya nu kasebat jenengan keur budak, neda agung nya paralun menta jembar hampurana, lain diri ku mawani, teu wani bisi kabadi, lain diri kumawantun teu wantun bisi ka siku, palias niat nyacampah… Amit-amit neda widi ka mbah jambrong nu nga geugeuh bandung kulon, ka mbah dipa nu ngageugeuh bandung wetan, ka mbah naya genggong nu ngageugeuh bandung kaler, ka mbah raksa pujil nu ngageugeuh bandung kidul…
Amit-amit muga di raksa di riksa mugi di aping di jaring, anu hiri anu dengki anu jail kaniayaya, pang nyingkirkeun pangnyingkahkeun pangepeskeun…
Rajah kula rajah pamunah, jadi haseup anu ngelun, ngelunna ngelun ka manggung, ka manggung ka mega mendung,
run turun ngajadi hujan, hujan poyan sirantangan, nyinglar halangan harungan,
balungbang maka balungbang ngebat jalan nga bulungbung bray nyingray lalangse puri hapsari, nyingray di unday pohaci…
bilih aya nu nitis, bilih aya nu susu sinurub, sumereub, sumalindung, simalakalul lapad, nurut kamalin nambang hasino, nur… nur kasino, lapur kersa sinuhun malakatul malakamon, ohhhh ieu teh karuhun omon, hihihi. limur katulang samanuk, limur kasaputuka, lila kabakacir, ih… ih…ih… kaso mono, kaso panjang…
Dawala: enggeus gandeng ah….
Siti Ragen: na kabina-bina teuing jajampean teh, maneh teh cepot
Cepot: apan abdi teh murid Kang Asep Sumedang heuheu, alah ampun aing. ahhh, kalimah naon… naon oge teu matih monyoong, lain kalimah nu teu matih ieu mah, panyakit weee nu betaheun, heuheu. kumaha Dawala euy, mun buru2 wee bebeja ka dunungan urang, da ari ka Puskesmas enggeus, jigana si Gareng teh teu diimunisasi keur budakna, enya, da teu kurang2 ditarekahan mah, teu diimunisasi, enya, penting diimunisasi eta budak teh, enya
Dawala: diimunisasi teh kumaha?
Cepot: ich belegug, keur budak keneh, eta budak gundulan, trus taplokan tai munding, tah eta imunisasi teh
Dawala: ich, si gelo, haha
Cepot: tuluy talian sukuna, leuleuokeun di leuwi, tah eta diimunisasi
Dawala: minggeus gandeng ahhh
Cepot: sugan ka dunungan mah, sapeser, sagoweng kitu, bisa nulungan ka urang teh, enya bisa nulungan, kumaha we carana ka dunungan, euweuh puntangan deui lintang ka dunungan. dunungan ge sok kitu, sok ngajemput ka urang, mana kitu oge aya pangabutuh, heueuh, hehe
lir tendra, barang saweg dina aya obrolan di leubeut ieu bumi, sapratanepun utusan ti nagara Sawarga Bandang.
demanglas waspda nera katon, manglas pada, lirakaat pada tumarangan nampi, lagiatdenera hai ingkang ngalaga, waspada nera katon pada tumarangan nampi, lagiat denalaga, dening ngalagu, iya wong
Patih: iya hih, hihi, ki adi
Senopati: kula kakang
Patih: wayahna yiii, ayi nyumput, ke dimana2 geus aya kulawargana ka luar, tah pasti di jero teh saurang, dua urang mah aya, wayahna paling ku adi mas
Senopati: mangga kulan, mangga
Patih: pangapunteun, nu kagungan bumi, ieu kulaa yeuh
Dawala: saha, a?
Siti Ragen: sora nu cocorowokan Dawala
Dawala: eunya ema…
Cepot: sok ka diti sampeurkeun… sampeurkeun…
Dawala: enya, kuduaan hayuu bisi aya naon… naon
Patih: uyah kaget yeuh kaula
Dawala: sina asup atawa urang sina di tepas bae
Cepot: tepas bae
Patih: heuheu, wih, asa araraneh teuing ieu bentuk jelema teh
Cepot: saha salira teh sun? gasik ditampi, enggal ditaros bae bae kujisim abdi teh
Dewala: saha tea ieu teh kulan?
Patih: ulah kaget, yeuh kaula, ngaran kaula, Jayeng Suksara, ti nagara Sawarga Bandang
Cepot: Eyang Sangsara ti Sawarga Bandang, sanes ti Sawarga Maniloka?
Patih: lain, Sawarga Bandang
Cepot: aya naon, sun?
Patih: rek tumanya, bener ieu Tumaritis?
Cepot: sumuhun kulan
Patih: ari imahna Semar Badranaya nu mana?
Cepot: sumuhun ieu pisan
Patih: ieu?
Cepot: sumuhun
Dewala: ieu kulan, sugan we a, nu rek ngirim obat
Cepot: nu rek nyumbang, sugan we euy, jigana doktor ieu jelema teh euy
Dawala: ma enya doktor berewes
Cepot: teuing rek berewes, rek heunteu, nu penting mah diktor wee
Patih: ari Semar Badranaya boga anak?
Cepot: kantenan sun
Patih: saha ngaranna?
Cepot: enya abdi, sun
Patih: maneh Gareng ngarana?
Cepot: sanes, sun
Patih: saha ngaran maneh?
Cepot: Janson, sun
Dawala: na make Janson ngaran teh, heuheu
Patih: ari eta nu tukang?
Dawala: abdi, Mandra
Cepot: heuheu, jengos
Patih: ari anak sabaraha hiji?
Cepot: tilu, sun
Patih: saha hiji deui?
Cepot: nya hiji deui mah Gareng
Patih: nah, haha, di mana ayeuna Gareng?
Cepot: manawi sun, abdi teh duh…. iru teh sasat, tos sbaraha dinten, sabaraha weungi, katalimeng abdi teh sun, nungguan kitu wee, kemit anu gering sun, pun adi, si Gareng teh gering
Patih: di mana ayeuna?
Cepot: di leubeut eta
Patih: eta nu haharegungan?
Cepot: sumuhun
Gareng: aduh… ema
Siti Ragen: naon Gareng?
Gareng: aduuh… pang garokeun cungcurungan ema!
Siti Ragen: ateul?
Gareng: enya, nu ateulna mah sirah
Cepot: hihi, mun urang mah keur gering ulah ngabodor nya euy
Gareng: lain ngabodor aing mah, samar rasa, ngarasakeun kanyeuri, aduuuh ema, pang meuncetkeun tihang!
Siti Ragen: naaa… ari maneh Gareng, make nitah meuncet tihang
Gareng: atuda ieu nyeuri indung suku, ma, aduuuh…. alaaah…
Patih: ooh gering adi maneh teh?
Cepot: sumuhun kulan, manawi kitu. sun, kagungan landong?
Patih: naon panyakitna?
Cepot: duka kanker tah teh, duk liper, duka hepatitis Be, enya. kapungkurna pun adi teh sun, teu diinpus
Dawala: lain diinpus atuh belegug, enya. disuntik hepatitis Be, mencegah heuu
Cepot: heueuh diimunisasi
Dawala: heueuh eta
Cepot: tah kitu, manawi ieu mah, manawi kagungan
Patih: boga kaula ubar, eta si Gareng rek dibawa ku kaula
Cepot: ka mana?
Patih: ka nagara kaula
Cepot: ihhh bilih leubeut angin, ulah lalawora
Dawala: ah entong a, bahaya ieu jalma, beda rasa, apanan ieu teh teu wawuh jelema teh, kudu boga rasa curiga
Patih: wayahna rek dipenta ieu si Gareng, euh. kumaha dibikeun?
Cepot: moal tiasa
Patih: dibikeun moal?
Cepot: ihhh, tong maksa silaing, moal eunya rek nyaah popolotot, kabina-bina teuing silaing, ubarna we bawa ka dieu!
Patih: pokona ubar teu dibawa, aya di ditu
Cepot: enya balik we heula ka ditu, ke balik deui ka dieu, kitu tah
Patih: pokona eta si Gareng rek dibawa, heh
Siti Ragen: ulah dibikeun jang, ulaaaah
Cepot: moal ma, moal. balik maneh, ulah ngaganggu kulawarga kuring, balik!
Dawala: ulah ngaganggu kulawarga kuring silaing, eukeur mah nu gering teh ngarasakeun kanyeuri, tambah ayeuna rek dibawa, moal teu kagunyang ganyeng di jalan
Patih: pokona dibikeun nuhun, teu dibikeun dipodaran kabeh ku aing
Cepot: ehh, lain rek nulungan ieu mah euy. pek dulur kuring si Gareng bawa, tah dada kuring, semplakkeun heula, taktak katuhu apa kenca, pegatkeun buuk salamar, kaluar getih satetes, ambeukan sadami, ka luar nyawa tina raga. pek, kari milih!
Patih: hihihi
Cepot: lain hihihi
Dawala: arek ku aka atawa ku kuring heula?
Cepot: haling ah, dewek ka hareup ah
Patih: kurang ajar, dibikeun nuhun, teu dibikeun dipaksa ku kaula
Cepot: sok rek maksa mah hayang nyaho dinu lega, kebon sampeu rang rebutan heula jeung aing
Patih: aeh kurang ajar
‪#‎gending‬#
Patih: bener maneh tega lara?
Cepot: tega
Patih: pati?
Cepot: sok, papanggih kakara make rek nyokot dulur
Patih: weit iat….. duh… wihhh. bener rikat maneh. sap… ciat… jiah, ohhh. ohik…. ohikkk…. ciah krek. edan teh, nepi sakilat sikuda nyulunuk kana angen, cacak leungeun pondok siah
Cepot: majuuuu…. heh jeung dewek hehe. atuda geunah, manehna datang, dewek depa dina gerakan monyet ngemil, langsung ieu peureup jeung siku asup kana iga burung, diajul wee
Patih: siut, dismbet, siuut hiyaa… hiyaa…
Nanging…. ieu Astrajingga, Dawala, ngahaja ku ieu patih dianggangan ti bumina, atuh ka ieu bumi, Siti Ragen, sasat anu nuju nungguan Nala Gareng ngadadak ngajeurit maratan langit, ngoceak maratan jagat. Ieu Nala Gareng aya nu ngarawu ku hiji denawa
Senopati: beuuuunang… siah
Siti Ragen: walaaah… tobaaat… tobat. alaaah Dewalaaaa…
Dawala: alah ema, naon maaaaa?
Siti Ragen: si Gareng aya numawa
Dawala: aduh a
Cepot: Dawalaaa…. Dawala….
Dawala: naon a?
Cepot: buru2 ka imaaaah!!!
Siti Ragen: tobaaat
sakilat ieu dedemit parntos leungit dina paninggalna Dewi Siti Ragen kalayan Astrajingga lan Dawala. oge ieu patih ngadak-ngadak teu aya, ngiles ti ieu tempat.
Siti Ragen: tobaaat… cilaka ema, jang
Cepot: si Gareng monyong, eahh
Dawala: Gareeeng, teu sangka a
Cepot: buru-buru urang laporan deuleu ka puser dayeuh, si Gareng aya nu maok, buru-buru!!! ema ludeung di dieu?
Siti Ragen: keun bae… buru-buru laporan ka ditu, ka dunungan, utamina ka juragan Katotkaca, buru-buru Dawala, buru-buru….
Astrajingga, Dewala lumampah ngajugjug ka Melajang Tengah, maksad nguningakeun ka Gatotkaca.
Kacarios ieu Nala Gareng anu parantos aya di satengahing alas pringgan dina cala, dicandak ku ieu denawa.
Patih: huahaha
Gareng: uhhhh… rek dibawa ka mana butak siah?
Senopati: lain butak, aing mah buta, siah. kurang ajar, heuheu. kumaha ieu teh kakang panji, si Nala Gareng teh kedah dipaehan bae?
Patih: paehan! pikeun pakta ka sang nalendra, getihna urang bawa
Senopati: sae kulan. Reng, wayahna maneh bakal dipaehan ku kaula, sabab yakin ieu kaula pancen nalendra
Gareng: nya gering, enya rek dipaehan, kabina-bina biadab teh buta. aduuh… duh ampuun nyeuri hulu, alaaah…. aduh astagfirulloh al adiim
Patih: wayahna rek dipaehan ku kaula, heuh
Senopati: mangga atuh geura tugeul wee janggana kadinyah!
pinasti kersa hyang dummantara, ieu Nala Gareng lajeung ditungeul jangga, sasat ditandasa.
Patih: weit, hiya…
Gareng: aduuuh… Allohu Akbar
heick cerrr
Patih: cobi, getihna wadahan!
Senopati: enya mangga. karunya ari kituna mah nya, bari jeung manehna kapan sasat dina waktu ieu teh keur gering. istilahna mah katurug katutuh
Patih: ahhh tong make jeung loba karunya, da urang mah mancen tugas ti sang nalendra
Senopati: lain eta, geutihna beut ngadak-ngadak jadi bodas?
Patih: euleuh… eleuh… enya ieu si Gareng teh lain jalma samanea, getihna oge bodas
Senopati: ajaib pisan…. ah eta mah rek ngaleupaskeun nyawa tadina, da sepa titadina ge, getihna geus bodas pangna gering ge, da ieu panyakitna, panyakitna teh getihna bodas bisa jadi, da mun beureum mah cageur manehna teh, enya kitu, kurang darah bisa jadi atawa meureun eta teh diabet, panyakit diabet tea
Patih: naon panyakit diabet teh?
Senopati: geuning ari dibeudel tina beuteung: gelas, termos dina beuteungna teh
Patih: gelo siah, panyakit bebereungkes nu kitu mah siah
Senopati: kumaha atuh ieu bangkena?
Patih: urang alungkeun bae ka tengah lautan, ieu
Senopati: sae… sae
Ieu Nala Gareng layonna dibalangkeun ka satengahin lautan, kitu ka ayaanna. atuh ieu dua utusan nyandak getihna Nala Gareng nyaeta pikeun pakta dina waktos anu bakal sumping.
Kacarios di ieu lautan, angkleung2an ieu layon Nala Gareng. nanging kitu kersaning nu maha kawasa, moal nanggeuy ti bongkokna, welas asih ka mahlukna. ngadak2 ieu lautan ngagolak panas, lauk2 sing saloloyong, sasat teri2 sing jareurit, bogo sing corowok. paripaosna, sing saloyongna lauk, teu kiat nandangan panas.
salelerasna di ieu lautan teh memang aya nu ngaageugeuh, ari kakasihna teh Raden Naga Baruna, ningali rakyatna sing saloloyong, hingga Naga Baruna kaluar
demang waspada nira katon
demang waspada nira katon
pada tumarangan nampi
pada tumarangan nampi, yaaa oooh
Naga: euleuh… euleuh. bogo sing saloloyong kitu, lele ngajengjehe, teriiii… nepi kapating jareurit, paribasana. itu…. keong morongkol kitu, gabus jiga nu ngaleupaskeun nyawa, itu cumi2 nepi kanyeleupot dina karang. aduuh… itu kapiting jiga nu hees. euhhh tobaaat gusti, teu sangka, naon ieu nu jadi sabab?
barang ningali Naga Baruna ka palih kaler, aya nu angkleung2an hiji layon
Naga: leuh.. leuh, layon saha? naha lauk, naha naon eta nu nambang teh? sampeurkeun ku aing
barang katingali parantos cakeut, yeun ieu teh layonna manusa
Naga: eu…eu…eu…. giri lusi lan paingan. giri teh harina gunung, ari lusi cacing, paingan teu sangka sarawu samarang nyawa. itu teh layon manusa. ehhhh, itu ngagolonggor kitu tikorona. gustiii…. aya nu nandasa ieu. euh, mial jelema jahat mah kitu? boa gara2 ieu… lautan panas teh. rek diseredkeun ka sisi, sisi anu tara ka saba jalma.
Nala Gareng parantos aya di sisi basisir kalayan direngkolan ku ieu Naga Baruna, bari ieu Naga Baruna menekung kanu agung, muja brata ka hiang maha sukma, manawi sareng manawi kenging kabul maha agung, nyaeta bade meredih kana asihna gusti, menta kana murahna nu maha kawasa, sangkan ieu layon tiasa damang deui, sacara bahara bahari
Naga: waras tumekaning jati, jati tumekaninh waras, waluya. kabeneran dina buntut kaula ieu aya cupu, eusina tirta kamandalu, ieu bohakna rek diubaran. sessssh… tah geuning lita deui, hahaha. hiji… hiji… hiji…. hiji hirup, hiji nu kahirupan, hiji gumulung ngajadi hiji, cageur maneh!
lilir lir merbangun, kaya ngimpen sare ngalinduran. lilir ya merbangun, kaya ngimpen sare ngalinduran, ngalinduran….
Gareng: aduh… alah aya oray, bedul
Naga: ilah kaget, ulah sieun manusa!
Gareng: ampun oray, leugleug we aing, ulah dicapek, ampuuuun. uhhh cageur geuring teh euy, ngan aya cageur ku cageurna gering tapi rek dihakan ula
Naga: moal… moal. sabenerna anjeun teh angkleung2an di tengah lautan, ku kaula ditulungan ka dieu, kalayan pitulung nu maha agung, anjeun bisa cageur deui
Gareng: jadi ku oray dihirupan?
Naga: enya
Gareng: alhamudlillah, sadaya puji kagungan Allah. jadi anjeun teh oray bisa nyageurkeun kuring?
Naga: enya
Gareng: nuhun atuh, saderek roay
Naga: oray kituh, lain roay!
Gareng: nuhun oray
Naga: enya… enya… sawangsulna
Gareng: saha ngaran oray teh?
Naga: ngaran kaula teh Naga Baruna
Gareng: Asep Taruna?!
Naga: Naga Baruna
Gareng: ohhh…. sugan teh si Asep Taruna, anu keur kuriak can anggeus-anggeus, cigana moal anggeus bae, da si eta mah sering ngalamun
Naga: tah kitu
Gareng: Naga Baruna teh urang mana?
Naga: kaula teh ti dasar laut
Gareng: duh… kula teh beurat nyuhun, berat nanggung, berat narimakeunna, Baruna. kaula bisa dicageurkeun saritana ku anjeun
Naga: enya… enya…, sariatna mah kaula, meredih kana asihna gusti, menta kana murahna kana agung
Gareng: enya, sakali deui jisim abdi teh beurat nyuhun, beurat nanggung, beurat narimakeunna, jadi abdi teh sagala beurat. kahiji abdi cageur tina panyakit, abdi teh jelema gering ieu teh
Naga: uh kitu?
Gareng: sumuhun
Naga: eh… ari sababna maneh oaeh teh kumaha?
Gareng: enya teu aya nyawaan
Naga: heuheuh, euweuh nyawaan, tapi kapan aya cukang lantaran
Gareng: enya cukangna mah apanan kabawa palid ku banjir
Naga: aih pikasebelen ieu jalma teh. sabab beuheung anjeun ngagolohgor?
Gareng: duh enya, jisim abdi teh aya nu maehan. aaahim…. ateul keneh ieu genggerong tapak meuncit, ohok… ohok
Naga: geutih garing meureun tingaleun
Gareng: nya eta, abdi teh aya nu ngarogahal, aya nu nandasa, bapak oray
Naga: hihihi, aya nu nandasa?
Gareng: teu pindo, jisim abdi teh aya nu nandasa
Naga: meureun maneh jelema gede dosa?
Gareng: duka, duka gede dosa, duka sagala gede abdi teh
Naga: heueuh
Gareng: kakasih teh Naga Taruna?
Naga: Naga Baruna kaula teh, raja lautan ieu
Gareng: aduh… jisim abdi, aduh jalma mah jarang2 nu kieu, na jadi eleh ku roay, ari roay bisa nulungan ka jelema prihatin, ari jelema karah meuntingkeun diri pribadina bae, teu eleng
Naga: teu eling, meureun
Gareng: tah enya eta. jadi teu eleng-eleng mangka eleng
Naga: heuheu, nya teu nanaon, da kawajiban kaula, salaku mahlukna, mahluk pangeran sarua
Gareng: jadi ari roay boga pikiran ka lebah dinya, inget ka pangeran, ari manusa teu eleng-eleng mangka eleng, rumingkang di bumi siliwangi
Naga: isssh… naha?
Gareng: heuheu ari jelema ngadon ka pangeretan, ari oray ka pangeran, eta mah kacida teuing atuh
Naga: heu… da kitu
Gareng: jadi kumaha atuh ayeuna?
Naga: ke… ke… kaula teh can apal, anjeun teh ti mana?
Gareng: abdi?
Naga: heueuh
Gareng: ari kawitmah abdi teh ti Spayol
Naga: ish… naha kabina2 teuing
Gareng: trus abdi teh mulih ka Argentina, nya di dinya abdi teh jadikeun tukang sepak bola, abdi teh dikontrak
Naga: kontrak mana?
Gareng: kontrak teh
Naga: tobaaaat, ngaran teh Gareng?
Gareng: Gareng
Naga: heueuh… aya keneh kulawarga atawa bapa indung?
Gareng: ohh… aya komplit. indung abdi ngarana Siti Ragen, kapungkur mah bintang film, ngarana Maria Mercedes. lanceuk abdi ngarana Astrajingga, kadua lanceuk abdi nu panengah ngarana Udawala
Naga: Dawala?
Gareng: Dawala atawa Udel
Naga: enya…. enya… ari bapa maneh?
Gareng; bapa jisim abdi teh… aduh… jelema sangsara balangsak, ngaran bapa abdi teh Semar
Naga: saha???
Gareng: Semar
Naga: Semar urang Tumaritis?
Gareng: teu pindo, eta bapa abdi teh, keun bae sangsara balangsak oge
Naga: Semar Badranaya bapa maneh?
Gareng: sumuhun
kaget gonera kamidanget..
kaget gonera kamidanget..
Naga: euleuh… tobaaaat
Kagetna ka giri-giri
yaaaa, ingkat midanget
yaaaa owww
Naga: tobaaaat gusti….. ieu teh geuning putra Kasepuhan Bapa Semar Badranaya
Gareng: geuning uninga ka ngaran bapa abdi?
Naga: yeah… nya apal
Gareng: nyaaa bapa aing mah kasohor, nu cicing di darat, di cai ge arapaleun ka bapa aing, tapi teu bisa ngamangpaatkeun kasohoran, teu bisa ngamangpaatkeun kawentran
Naga: bapa maneh teh memang jalma anu keur nyumput buni dina caang, negrak bari teu katembong. bener…. bener…. bapa maneh Semar Badranaya?
Gareng: teu pindo, eta bapa abdi, nanging dina danget ieu, bapa abdi teh leungit tanpa ilang, tanpa karana, euweuh ti kampung abdi, ninggalkeun rumah tangga
Naga: euweuh?
Gareng: teu aya, euweuh tea
Naga: ka mana?
Gareng: teu nyaho, mun nyaho mah dibejakeun
Naga: teu apal?
Gareng: heunteu!!! mati aku jadi penasaran
Naga: gusti… tobat teuing
Gareng: jeung abdi na gering, nah keur geuring kitu, aya jelema duaan, malaikat eta, nayabut umur abdi, tapi nyabutna teh ngadon maehan
Naga: atuh lain maehan ari nyabutmah, ari maehan mah dipeuncit, ari nyabut mah, eta tugas malaikat, tapi ieu mah dipaehan, dirogok ti koro
Gareng: enya
Naga: lain malaikat ets mah
Gareng: anu kadenge, da abdi teh satengah eling, satengah heunteu, da puguh jelema gering, cenah maneh teh rek dipaehan, abdi teh jugjug dipaehan bae
Naga: ku saha?
Gareng: ku urang nagara…. aduh… upami teu leubeut
Naga: leupat meureun
Gareng: upami teu leupat urang Sawarga Bandang
Naga: urang nagara Sawarga Bandang?
Gareng: eta, Jayeng Suksara ngarana, uing geuleuh eta jajalma eta, karek panggih ujug2 maehan, boga dosa heunteu, da jelema gering
Naga: sugan keur cageurna maneh?
Gareng: heunteu… heunteuuu, abdi cn ngarasa nganyengnyeurikeun jelema, mun dinyeungnyerikeun abdi sering, sering dinyeurikeun abdi
Naga: sugan colonod?
Gareng: ehhhh…. sakapeung.
Naga: enya… enya…, atuh maneh teu tuah teu dosa mah kudu, perlu ngayakeun tungtutan ka manusa model kitu, kudu ngabalitungkeun maneh!
Gareng: duh, keun bae, keun bae, jelema mah kudu tahan banting, kudu sabar
Naga: enya da sabar ge kudu aya batesna atuh Gareng
Gareng: alah… entong2, keun bae
Naga: ihhh bisi nular… bisi nular, singkudu ngabogaan jiwa sinatria maneh di dieu, leuheung basa ninggang ka maneh, jalma sabar, kumaha mun ninggang kanu lian? ieu bakal ngarugikeun, tetep maneh kudu ngayakeun balitungan, lain… lain ngandung harti dendam, tapi tetep kudu ngayakeun balitungan ka eta manusa model kitu, sugan insap ka ungkulan ku maneh. kabiadaban, kadoliman, kasarakahan anu model kieu, perlu maneh ngayakeun kaamanan dina waktu ayeuna, nagtukeun nasib, nagtukeun salah jeung bener
Gareng: asa katarik yeuh ku ngomongna oray ieu. aki, rada nyeredet kana hate ieu
Naga: heu… jadi katarik?
Gareng: sumuhun
Naga: sanggup mun ngayakeun balitungan?
Gareng: unjuk sumangga
Naga: jig geura indit maneh ka nagara…. naon tadi teh?
Gareng: Sawarga Bandang
Naga: atawa maneh rek dijadikeun hiji satria dina waktu ayeuna, bakal diganti eta pakean maneh, wujud maneh bakal malih warna, nyaeta dijadikeun hiji satria anu lungguh timpuh, sopan santun, depe2 handap asor, tawado jeung sajabana
Gareng: eta teh bener ta teh? teu kudu dibeli?
Naga: heunteu, tah ieu bajuna, pek geura pake bari jeung jig mandi heula di laut!
Gareng: alhamdulillah, baju aing keur lebaran yeuh, tulus. mangga…. mangga ayeuna pake?
Naga: los, indit
lajeung bae ieu Nala Gareng ngangge anggean ti ieu Naga Baruna, sarengsena ngebak salin jinis, kasep ngalempereng koneng, lungguh limpuh, sopan santun, ramah tamah, andalemi sasauranna
nurcahya sesekar ning wangsa
nurcahya sesekar ning wangsa
kaya gumilang, satria winata
Naga: uluh… uluh, kasep maneh Gareng
Gareng: teu pindo damel, kaula nun ngahaturkeun sembah ka hunjuk panjenengan pangersa Naga Taruna
Naga: Naga Baruna
Gareng: teu pindo damel, geuning kaula ginding kieu bapa Taruna?
Naga: BARUNA!!!
Gareng: kaula teh beurat nyuhun, beurat nanggung, beurat narimakeunna bapa Tarumpah, aih Taruna, aih bapa Baruna
Naga: enya… enya…
Gareng: nanging, dina waktos ieu kaula teh kudu gaduh ngaran, ganti rupa ganti ngaran
Naga: nya… enya..
Gareng; saha piaraneun kaula, kulan?
Naga: cing, sokrrr pikir sorangan, naon anu alus jeung tangtungan?
Gareng: kumaha upami ngaran kaula teh diganti ku Adi Wijaya?
Naga: ahhh… ulah
Gareng: atanapi ku Raden Putra Mama Apep Wijaya, enya
Naga: ulah!
Gareng: saha atuh? atanapi Satria Baja Kuning
Naga: ulah!!
Gareng: atanapi Bambang Putra Predator
Naga: ulah… ulah…
Gareng: naha sah kinteun2na? anu payus jeung tangtungan, ngaran kaula?
Naga: pingaraneun anjeun teh nyaeta AMAR SAKTI.
Amar Sakti (AS): Amar Sakti! apanan Amar mah tukang gambang?
NB: ish… keun bae, ngan kudu make “SAKTI”
AS: jadi, pingaraneun kaula teh Amar Sakti?
NB: enya
AS: anu sok ngagandong tolombong tea?
NB: Emar eta mah, urang Arjasari
AS: UMAR SAKTI
NB: ari Umar mah atuh kuwu ti Sumedang, ti Pasirhuni ka ditu teh naon?
AS: teu pindo damel kaulanun. unjuk sumangga dina waktos ayeuna maksad nyayogikeun tanaga pikeun ngayakeun balitungan ka eta jalma anu ngaran Prabu Jayeng Suksena urang nagara Sawarga Bandang
NB: enya… ngan ulah ari dijorag mah kaditu, keun we engke ge bakal meunang beja, kaula bakal nyiptakeun hiji padepokan anu pang endah-endahna, hiji bangunan di ieu sisi laut heuh, engke bakal ka wentar ieu padepokan, maneh anu kudu nyicinganna, lamun nanyakeun, saha guru maneh, bejakeun wee, ngaran kaula teh nyaeta Sidik Sakti
AS: teu pindo damel kaulanun, mangga naon dupi hal maksad salira bade dilaksanakeun dina waktos ayeuna.
NB: tingali! urang nyiptakeun heula ieu tempat
sinanrat kumamrat mateke sangiang laras sewu, sinanrat kumamrat mateke aji… danglilur.
Lir malam tumeraping api, saciduhing metu saucaping nyata, di sisi laut ieu aya hiji tempat anu endah, anu matak pikabetaheun luar biasa.
AS: euh, kasepuhan Naga Taruna
NB: Naga Baruna, na pok deui, pok deui ieu teh?
AS: aeh, kasepuhan Naga Begeg
NB: NAGA BARUNA!!! eta mah campur jeung geuleuh, heuheuh
AS: atuda ari ka dengen2 mah moal wantun
NB: heuheuh, geus… geus..
AS: ieu padepokan naon?
NB: ahhh… kumaha maneh we nyebutna, pokona mah ieu padepokan naon wee, bisa disebut KARANG KANCANA oge
AS: teu pindo damel, kaulanun
NB: sakti, bral lumampah jung lumaku !!!
AS: ampun daulat, sampun dawuh tutas pangandika
NB: bral….
banglus lampahepun ieu Amar Sakti, maksad ngeusian ieu padepokan anu endah. tunda laampah eta, kacarios di nagara Sawarga Bandang, sang nalendra prabu, bibisik Prabu Jayeng Suksena, kasumpingan Patih Jayeng Suksara lan senopati anu nyandak getihna Nala Gareng
Raja: eit…. hiyahaha
‪#‎sinden‬: tong geret#
Raja: eh… haha. patih… kadieu, kadieu patih!!!
Patih: hunjuk sumangga kaulanun, pangapunteun paduka
Raja: eit ditarima patih
Senopati: werrr, ngahaturkeun sembah baktos, paduka
Raja: yah, ditarima eit. naon eta???
Senopati: ieu gusti, tawis si Gareng perlaya, nya ieu getihna
Raja: hiyahaha, diuk! ditaekeun gajih
Senopati: euh… tah geuning
#sinden: tong geret#
bingah amarwatasuta, bingah kagiri-giri, bingah amarwatasuta, bingah ya kagiri-giri
Raja: eit… patih, ieu bener getihna si Gareng?
Patih: teu pindo damel paduka
Raja: yeah, haha. sukur bagja kumayangan patiiih, kaula moal boga minantu sangsara balangsak. jadi eta pandita, ngandung harti eta nujumna salah, eit. misrek manehna ramalanna, eit.
Senopati: atuda etamah disebatna ge babaledogan, keuna wae buncunur… enya kitu kulan
Raja: coba, eta weweleuk pandita bawa ka dieu, anu dikerem, si Sidik Mulya!
Patih: timbalan paduka, cing senopati, gusur si kurang ajar!
Senopati: mangga gusti, ampun… amit
Pandita: ampuuun
Senopati: tong ampun… ampun, misrek ramalan maneh teh deuleu, eah siah
Raja: sok bawa ka dieu, bangsat !!
Pandita: aduh, ampun gusti
Pandita: modar siah aki2 gelo, kawas nu heuheuh, nyanyahoanan, jurig siah
Pandita: aduh…
Raja: tenjo!!! ieu getihna si Nala Gareng, heh. aing moal boga minantu ka si Gareng
Pandita: nun pangersa, gusti prabu. da kaula mah ceuk itungan
Raja: itungan gejul, hah. tong dipake deui itungan model kitu, misrek jahat, kode jongklok bangsat
Pandita: tetep… tuang putra teh bakal kagungan jodona teh ka Nala Gareng
Raja: apanan geus modar?
Pandita: teu acan
Raja: acan???
Pandita: malahan ayeuna, eta si Nala Gareng teh geus jadi satria, ngarana ge Amar Sakti
Raja: di mana??
Pandita: ayana di padepokan Karang Nunggal, di sisi laut
Raja: kurang ajar, bangsat
Pandita: mangga cirian, mun salah, teukteuk beuheung kaula
kasingrat purna dewa
Raja: binatang!!! bangsat!!!
kasingrat purna dewa, ingkang napsu kagila-gila, kagila-gila yaaa ingkang ngalaga oooh
Raja: hek puah, kurang ajar, manaaa buktina???
Pandita: mangga we buktoskeun!
Raja: patih, urang susul, hayang nyaho tah si weweleuk, kurang ajar. keun bae si patih di dieu, aing rek indit jeung senopati ka eta padepokan Karang Nunggal
Senopati: teu pindo damel
Raja: kerem deui ieu pandita! patih, mihape… mihape eta pandita kerem deui, eta si bangsat. kula jeung si senopati rek nganyatakeun, enya jeung henteuna, naha aya ngaran Amar Sakti di eta padepokan, di sisi laut
Senopati: unjuk sumangga, gusti
Patih: mangga, paduka
Raja: eit
teu kacatur lami dijalanna, ieu prabu raja nagara Sawarga Bandang, Prabu Jayeng Suksena kahiring senopati, ngajugjug ka sisi laut. yakin di eta sisi laut teh aya padepokan endah, kembang2 warna-warni, dipapaes malar pantes, pepelakan sing garupay katebak ku angin laut, kitu kaayaanna. ningali ka laut, karang cing paracenghul, sasatna anu ka keueum lami2 nyaatan, jiga paracenghulna karang2 anu kakeueum ku lautan. endah nu teu aya papadana
Raja: eit, senopati
Senopati: kula
Raja: itu yakin aya padepokan hade… hade…
Senopati: ihh, pikabetaheun pisan gusti. padahal ieu teh caket sareng nagara urang, kumaha upami urang rebut wee sakalian, kangge salira represing di dinya gusti, enya… sasatna pila eta teh, emmm bagunan nepi ka kitu alusna
Raja: coba… cobi urang asuk sami2 ka eta padepokan! maaf anu boga
AS: eh… eh… geningan aya tamu
Raja: ulah kaget!
Senopati: ulah kaget!
Raja: hiyahaha, saha ngaran anjeun?
AS: heu… calik heula tamu!
Senopati: werrr, euleuh enya aya budak ngora, kasep. saha ngaran maneh?
AS: calik heula tamu!
#sinden: dewi cinta… dewa rama#
Kaget gondera haningali, ningali…, kaget gondera haningali… ingkang ngalaga, ye… ye… ye… ingkang ngalaga… ya ngalaga
sang nalendra bibisik Prabu Jayeng Suksena, kaget ningali ieu kaendahan pertapaan, gondehera ngandika
Raja: eit, asa kabina-bina betahna kaula di dieu tempat, bagja barina sugema si nyai mun seug aya di dieu… moal teu betaheun ningali ka belah kaler lautan mani ngaplak, sing sarerepetna ombak, bodasna ombak sisi lautan ieu, budah2na katingali anu kaseredkeun ku ombak, manuk2 sing geleber, nyabetan budah lautan, boa… boa eta teh manuk walet tea… senopati
Senopati: mangkaning sayangna teh, eta teh mahal manuk walet teh gusti, diproduksi ayeuna teh sayang manuk walet teh
Raja: dipake naon?
Senopati: diangge cangkang akua mun teu lepat mah, sumuhun
Raja: eit, eh… satria
AS: teu pindo damel, kula. dupi salira teh saha? raja ti mana?
Raja: hiyahaha… kaula urang nagara Sawarga Bandang
Senopati: urang Sawarga Bandang, euy. ari maneh teh heueuh Gareng?
AS: lain, kaula mah Amar Sakti
Raja: saha???
AS: Amar Sakti
Raja: bener???
AS: teu salah… raja denawa
Raja: Amar Sakti anak saha?
AS: kaula anak Semar, memang kaula anu kungsi dipaehan tea, ngan kaula dikersakeun gede milik, kaula teh aya nu mere baju, kitu sabenerna. Jadi kasep, jadi ganteng, seueur istri nu katarik, awewe nu kapelet ku kaula, malah nini-nini oge nepi kasurupan, kabeh ku hayang-hayangna ka kaula, raja denawa…
hapsingrat purna dewa, hapsingrat purna dewa, denera napsu kang kagila-gila… ya kagila-gila… lawaaa
Raja: puah…, bangsat. senopati!
Senopati: kaula, gusti prabu
Raja: tewak si bangsat! ainh teu sudi boga minantu sangsara, eh… podaran!
Senopati: unjuk sumangga, kulan. uah… Amar Sakti kurang ajar, modar siah
AS: eh… eh… na kaula teh geleuh ku naon? ngewa ku naon, denawa? kaula mah da papanggih pan kakara jeung anjeun, ujug-ujug kitu ka kaula, anjeun senopati?
Senopati: wah, tong loba carita deuleu, aing mah jelema diburuhan, laden siah sok (sakilat Amar Sakti ditewak)
AS: ampun… ampun…
Senopati: gusti, ieu kenging gusti
Raja: talian! talian!!!
Senopati: mangga, gusti
Raja: hiyahaha, modar siah jahat
AS: ampun… raja denawa, Jayeng Suksena rek dikumahakeun ieu kaula?
Raja: dipodaran, bangsat
AS: naha anjeun ka kaula teh geuleuh ku naon? ngewa ku naon?
Raja: teu sudi aing boga minantu ka maneh
AS: naha da kaula mah teh hayang boga pamajikan ka anah anjeun?
Raja: eh… aing teu apal soal eta, nu penting dipodaran ku aing
AS: jadi satria… ku satriana, tetep wae rek dipaehan batur, hirup teh mani euweuh mendingna, kitu lain kieu salah mah kaula teh mendinh jadi beurit we sakalian….
Raja: hiyahaha, pasti sia bakal diparabkeun ka sato-sato, kurang ajar
AS: kang… kakang Sastrajingga, kakang Dawala, ema, bapa. kakang Astrajingga… pileleyan kaula, kakang Dawala…, ema…. oge bapa, mugia ema sareng bapa aya dina panangtayungan gusti nu kagungan, peperiheun ieu Gareng ayeuna, sasatna bakal dipaehan, meureun parantos jadi titis tulis di ajali, Gareng kedah nembahing pati ku batur…
Senopati: eta kadieukeun lengen, kurang ajar. tong sok kikituan ah, make jeung mewek teh, keun bae da sarerea ge bakal modar. di dieu bae paehanna gusti?
Raja: bawa… bawa ka nagara, paehan di alun-alun nagara, heuh!
Senopati: naha, gusti? dupi salira moal mulih ayeuna?
Raja: kula betah di dieu sahelaanan, eh. bisi datang guruna, guru maneh di mana?
AS: nuju angkat, duka ka mana
Raja: yeah, ku aing rek ditungguan, bari kaula ngarasakeun kanikmatan, ningali kaendahan2, eit. senopati?
Senopati: kaulanun, gusti
Raja: wayahna bawa ka nagara, tah ieu surat kaula bawa!
lajeng bae ieu raja nagara Sawarga Bandang ngadamel serat, dina eta eusina, yakin ieu Amar Sakti kedah dipaehan, ditugel jangga, ieu serat teh ditujukeun ka patih nagara, nyaeta patih Jayeng Suksara, ditawis ku sang nalendra, kitu kaayanna
Raja: tah ieu surat bawa, heuh!
Senopati: mangga gusti, mangga. Amar Sakti?
AS: kulanun, kula
Senopati: tah ieu surat teh tetep maneh bakal dipaehan, tah mihape lanan dina saku maneh, bisi teu percayaeun lanceuk aing patih kana ieu surat, makana bawa ku maneh dina saku maneh di dinya, asupkeun sok!
AS: mangga we lebetkeun, da puguh kaula mah keur ditalian
Senopati: aeh heueuh, poho. sugan teh lengen ka tukang teh keur ngenah2, sugan teh ngagandong lengen, padahal urut ditalian aing tea, nya?
AS: teu pindo damel
Senopati: mangga gusti
Raja: indit!
lajeng bae ieu Amar Sakti bari panangan diborogod dikapengkerkeun, dina pesakna napel serat, sasatna ieu serat ti raja ditujukeun ka patih, yen di mana sumping kedah dipaehan
Senopati: amit, gusti
Raja: indit!!
Senopati: indit, Amar Sakti!
Prabu Jayeng Suksena ngantunkeun anjeun di ieu padepokan sisi laut. teu kacatur lami dijalanna, ieu senopati sareng ieu Amar Sakti lumampah ka nagara Sawarga Bandang, kalelesan sonten sumpingna ka ieu karaton nagara, kitu kaayaanna
Senopati: mana si kakang patih, euweuh?
AS: ieu teh di karaton nagara Sawarga Bandang?
Senopati: heueuh
AS: kaula teh can kahartos ieu teh, pangna kaula digunjang-ganjing naha geleuh ku naon? ngewa ku naon?
Senopati: ah… geuleuh we meureun, tong nanyakeun ka aing, da aing ge teu ngarti. cicing sia di dieu nya! tah di dinya, ku aing ditalian kana tihang karaton. uing indit heula, neangan kakang patih, kade eta surat ulah digegel?
AS: moal, kaulanun
Senopati: heueuh
Lajeng bae ieu Senopati ka luar, milarian patih nagara
Ari pangeran mah moal heseeun nurunkeun pitulung pikeun nyalamatkeun manusa di alam dunya, abong kena kawasa dina sagala rupa perkara, kitu kaayaanna
Nyaeta kalelesan ieu Amar Sakti nuju ngeluk tungkul bari diborogod kana tihang karaton teh, lajeng bae putri raja anu kakasihna Puspa Kancana Wati, dina waktos eta sasat nuju luntang-lantung, lebet ka karaton nagara
datang nera datange demam, datang nera datange demam, ewuh pagulingan rana, ewuh pagulingan rana
Putri: euh, kamarana ieu jalmi teh, teu aya? oge saha eta nu diborogod?
AS: teu pindo damel, kaulanun kaula nyai
Putri: saha anjeun?
AS: ngaran kaula teh Amat Sakti
Putri: Amar Sakti?
AS: teu pindo damel
Putri: naon pangna anjeun diborogod, boga dosa naon satria?
AS: anu nawi, kaula teh asa teu puguh dosana, dicacandak ka dieu bari jeung bade ditugel jangga, ditandasa. kaula oge teu ngarti dugi ka danget ayeuna, padahal kaula teh jahat he heunteu, cek rarasaan
Putri: aduh, nyaah teuing, naha kanjeng rama beut hianat, anjeun teh reh dipaehan?
AS: teu pindo damel
Putri: naha tugas ti saha?
AS: nya ti tuang rama panginten rupina, raja nagara Sawarga Bandang teh tuang rama?
Putri: leres, eta teh kanjeng rama. yakin anjeun teh teu boga dosa?
AS: leres
Putri: dupi kakasihna?
AS: Amar Sakti
Putri: Amar Sakti, jadi anjeun yakin teu boga dosa?
AS: teu pindo damel. ari salira saha?
Putri: ngaran… ngaran kaula teh nyaeta Puspa Kancana wati, kaula teh putri raja nagara ieu
AS: oh… jadi putri raja
putri: teu pindo… teu pindo
barang nyidik-nyidik ieu Dewi Kancana Wati ka ieu Amar Sakti, ngadak-ngadak aya jorojoy na manahna, aya rasa birahi anu ngancik dina ati, kitu kaayaanna
Putri: aduh, ampun teuing Amar Sakti, nyaah teuing anjeun rek dipaehan
AS: teu pindo, malihanan ieu teh serat dina saku kaula, tah geuning nolol, ieu teh yakin serat ti tuang rama
Putri: dupi kanjeng ramana di mana?
AS: di sisi laut, aya hiji bangunan, tah di dinya nuju erepresing, nyai…
Putri: aduh, nyaah teuing, ieu teh surat ti kanjeng rama pikeun nentukeun nasib anjeun bakal dipateni?!
AS: leres
lajeng bae ieu serat dicandak ku ieu putri, lajeng dibuka, dina eta eusina serat, teu kirang teu langkung, yen tetep ieu anu ngaran Amar Sakti teh kedah ditunggel jangga, kitu kayaanna
Putri: tobaaat, na asa biadab teuing kanjeng rama
lajeng bae ieu Dewi Puspa Kancana Wati lebet ka kamarna, ieu serat digentos, dupi dina ieu eusina serat anu ditulis ku putri Dewi Puspa Kancana Wati, nyaeta eusina teh lain kedah dipaehan, tapi kedsh enggal2 ditikahkeun, direngsekeun pertikahan dimana sumping raja teh kedah parantos rengse ieu dinikahkeunna. kalayan tawisan palsu ti ieu putrana, ieu serat anu eusina titah dipaehan teh ngadon diganti ku ieu Dewi Puspita Kancana Wati kedag direngsekeun ditikahkeun
Lajeng ieu serat dibungkus deui, dilebetkeun deui kana pesakna ieu Amar Sakti
AS: naha nyai eta serat dilebetkeun deui?
Putri: nya ieu serat anu tadi tea
AS: oh, serat nu tadi tea?
Putri: leres… leres kaulanun, nanging doana ti kaula, cing salamet bae nya
AS: nuhun… mudah-mudahan bae. dugi salira bade angkat ka mana atuh?
Putri: kaula bade ka itu, ka patamanan
AS: mangga atuh… wilujeng
Senopati: hey.. hey.. hey.., hey… hey… hehehey, hey… sijali-jali, hey… sijali-jali, sijali-jali dari semarang, dari sawah turun ke kali, hey… dari mata turun ke hati, ee… dari mata turun ke hati. hehe, si Amar Sakti ngeluk wae, Mar… Amar Sakti?
AS: kulanun, kaula
Senopati: beda nya nu tereh paeh mah, kicepna ge?
Patih: di belah mana, yiii?
Senopati: di dieu… di dieu kakang patih
Patih: oh, ieu nu ngaran Amar Sakti teh?
Senopati: leres, tah ieu
Patih: kasep geuning nyah? jadi ieu teh titah dipaehan bae?
Senopati: tah kitu, titah dipaehan bae ieu teh cenah, gusti
Patih: nya teu nanaon, mana suratna ti raja?
Senopati: eta dina sakuna si Amar Sakti
Patih: oh… eta?
Senopati: muhun, mangga bae geura candak!
lajeng ieu serat anu aya dina sakuna Amar Sakti dicandak ku ieu patih. barang ditingali eusina surat, teu kirang teu langkung, anu ditawis ku sang nalendra, padahal yakin ieu teh surat palsu kenging putrina, yen eusi surat teh kedah buru2 direngsekeun ditikahkeun ieu Amar Amar Sakti ka Dewi Puspa Kancana Wati, kitu kaayanna
Patih: yeh, ka dieu siah!!!
Senopati: werrr
Patih: ka dieu!!! lain wer war wer
Senopati: aya naon?
Patih: weit siah (senopati didegungkeun ku patih)
Senopati: aduh… nanaonan kakang panji teh?
Patih: ampir-ampiran aing cilaka, deuleu. lamun ujug-ujug jebrod ditenggelan, wah bahaya, ieu si Amar Sakti
Senopati: naha naon?
Patih: tenjo ieu eusi surat naon?
Senopati: naon kitu?!!
Patih: geuning euisna kedah buru2 dikawinkeun ieu budak teh, Amar Sakti ka Dewi Kancana wati
Senopati: itu… itu… titah dikawinekeun???!!! naha asa kaget ahhh, ngadoja mereun raja teh ka kaula, meureun nya? beu, aduh… padahal kudu dikawinkeun peuting ieu keneh oge, dina eusi surat. ehh… enya geuning kitu eusi surat teh kakang patih, nya?????
Patih: gelo, ampir we… gewat laan talina siah!!!
Senopati: hampura wee Amar, nya. Sakti nya
AS: sawangsulna
Senopati: cing kadieukeun eta lengen… uh mani ngagaralang kieu ieu lengen pedah ditalian, karunya. Amar Sakti hampura aing, geuning dina eusi surat teh maneh teh kudu dikawinkeun, tobat teuing Amar Sakti, hampura…
Patih: hampura kasep, Amar Sakti! kasep ieu budak
Senopati: kinten2na bogoheun putrina ka dieu, ka Amar Sakti?
Patih: ah moal heunteu, sakieu kasepna
Senopati: nya teu nanaon atuh, kumaha urang rengsekeun bae pertikahanna?
Patih: yeah, peuting ieu keneh ge, cenah eusi surat teh kudu direngsekeun, dikawinkeun ieu Amar Sakti ka Dewi Puspa Kancana Wati
Senopati: nya teu nanaon, kawinkeun bae atuh, peuting ieu keneh urang neangan lebe, kaula
Patih: yeah, kitu
Senopati: heuheu, lain sa acanna indit neang lebe, yeuh Amar Sakti
AS: kaulanun, kula
Senopati: heuh, rek nanyakeun heula heula ka anjeun, nya?
AS: unjuk sumangga
Patih: naon yiii?
Senopati: lain…ieu teh si Amar Sakti teh tadina teh si Gareng, nu dipaehan ku urang, heueuh eta teh?
Patih: nya cing jawab, bener apa lain maneh teh?
AS: maksadna?
Patih: cenah si Gareng maneh teh?
AS: leres pisan, kaulanun. kaula teh Gareng tea, nanging kaula teh ragrag di laut, tapi hirup deui, tapi jadi kieu wujudna kaula
Patih: heueuh meureun ramalan ieu pandita teh, jelas. eta we kagetna teh raja bet jadi doaeun, ayeuna kudu dikawinkeun maneh teh Amar Sakti
AS: teu pindo damel, kaulanun. ngiringan bae abdi mah, gusti patih
Patih: ya… ya…, tong gusti patih ayeuna mah lah, da jadi minantu raja, huh!
AS: teu pindo damel, kaulanun
Patih: sok atuh ka ditu neangan lebe? nam urang rengsekeun pertikahan ieu. nyai… nyai… tanya heula, naha bogoheun teu ieuh?
Putri: kaulanun paman
Patih: ka dieu, geulis!
Putri: sumangga kaulanun
data nira demam, emuh pagulingan rana, ewuh pagulingan rana, gerahing sampun brata, denira sampun brata, yaaa ohhh
Patih: geulis… anak emang
Putri: teu pindo damel, kaulanun paman
Patih: nyai teh geuning kedah ditikahkeun ka ieu Amar Sakti, tingali ieu serat!
Putri: cobi ningal, kaulanun!
Patih: tingali we ku nyai
barang ditingali ieu serat, bari gumujeung alit, da yakin eta serat teh kening ieu putri ku anjeun
Putri: aduh leres geuningan, kaula teh kedah ditikahkeun ka ieu jalmi anu kakasih Amar Sakti
Patih: kumaha kira2na nyai, nyai teh kersa?
Putri: ngiringan bae kaulanun, paman. kana kapalay kanjengbrama, kalayan da puguh nyai oge aya jorojoy ka ieu satria anu kakasih Amar Sakti
Patih: hahaha, nya teu nanaon atuh ari kitu mah, heh daekeun geuningan yiii
Senopati: nukhuunnn.. nuhun gusti, puguh deui ari kitu mah, nya
Patih: mangga atuh urang rengsekeun, dina waktos ayeuna urang ka ditu, urang ngahadiran itu amilna!
Senopati: kumaha tah, kedah aya walina panginteun samemeh ditikahkeun teh?
Patih: enya, ayeuna mah pokona urang tikahkeun we, keun we walina mah diwalian we ku kaula, teu aya halanganna
Senopati: ah…teu tiasa diwakilkeun, da aya keneh?
Patih: keun we wali hakim lah
Senopati: enya atuh
atuh dina weungi ieu oge, ieu putri teh direngsekeun pertikahan kalayan wali hakim, nyaeta patih nagara. ieu Amar Sakti jadi panganten sareng Dewi Puspa Kancana Wati, kitu kaayanna
Amar Sakti diubung-ubung di ieu karaton. atuh dina enjingna, pasisiang ieu raja sumping, ti sisi laut tea ka ieu karaton nagara. barang sumping ka karaton nagara ningali Amar Sakti nuju rerendengan, saling udag malah dipatamanan sareng ieu dewi Puspa Kancana Wati estuning silih pikadeudeuh, silih pikanyaah. kalayan kenging wartos yen parantos direngsekeun pernikahanna, ku patih nagara, ieu sang nalendra napsu ngagudug2, ambeuk teu kawadahan, gegejred sagala ditajong
Raja: eit…
hasingrat purna dewa, hasingrat purna dewa, denira ingkang napsu kagila-gila, ya… napsu kagila2, ingkang ngalaga oooh
Raja: bangsat! binatang! mana si patih???!
Patih: aduh gusti, naon?
Raja: kurang ajar, kadieu bangsat!!!
Patih: aduh ampun gusti
Raja: mana si senopati???
Senopati: abdi sun
Raja: eeedan!!
Senopati: aduh ampun gusti, ku naon ieu teh gusti?
Patih: ku naon ieu teh gusti?
Raja: edan siah! ku naon anak aing jeung si Amar Sakti make sina babarengan jeung si nyai???
Patih: apanan parantos ditikahkeun
Raja: naon sabab? wawanian, aing bapana anu hak ngawinkeun
Senopati: kapan ieu teh perintah panjenengan, dina serat tea, gusti
Raja: bangsat!!! kapan sidik ku aing sina dipodaran si Amar Sakti, ku naon kari-kari dikawinkeun, edan? diwalah-walah geus paeh
Patih: aduh gusti, na jadi kieu, kaula teh jadi lieur, apanan sertana, kaula ge ningal, ieu serat teh kedah direngsekeun pertikahan, atuh da tuang putra puguh bogoh
Raja: binatang!!! dipodaran kabeh ku aing, bangsat! mana si Amar Sakti??? ka dieu jahat!!! binatang!!!
Amar Sakti dijaweng ku ieu raja nagara Sawarga Bandang, nyaeta dijenggut, digunjang-ganjeng
Putri: aduh tobat teuing kanjeng rama, nanaonan eta, salaki nyai dikitu-kitu, amaaa…. aduh nanaonan… hawatos teuing ama…
Raja: bangsat!! Amar Sakti dipodaran ku aing!
lajeng bae Amar sakti dicandak ku ieu raja ka alas pringgandina cala, nyaeta maksad bade ditugel janggana
tunda lampah eta, kacarios ieu Raden Gatotkaca sareng Prabu Kresna lumampah kairing Astrajingga lan Dawala. sasat kalaporan ku Astrajingga lan Dawala, wireh Gareng aya nu ngiwat ku urang nagara Sawarga Bandang. alumampah Batara Kresna lan Gatotkaca
Kresna: eu… Gatotkaca
Gatotkaca: kulan, kaula
Kresna: cikan ka dieu lumampahna, kasep!
Kagotkaca: cepot!
Cepot: kulan, palangsiang euy si Gareng, monyong, heueuh kumaha nasibna, kabina-bina teuing
Gatotkaca: palangsiang, pot
Cepot: palangsiang Dawala, deuleu
Dawala: kumaha atuh, da geus kieu. Gareng… mudah2an we sing salamet, Reng. eta keur kaayaan gering si Gareng teh, puhara
Cepot: sugan teh moal kieu kajadianna, boro teu dilaksanakeun, si Gareng hayang pais remis, beda tibatur, batur mah jero remisna, ieu mah cangkangna meh rangu cenah, emm
Kresa: diuk cepot!
#sinden: hapunteun anu kasuhun…#
Cepot: nasib Dawala, kumaha? padahal mah mun ku dewek dipaehan we eta musuh teh, heueuh mun inget, mangkaning loba kahayangna, uhh
Gatotkaca: pot… geus, mudah-mudahan we cing bisa kabelaan atuh
Dawala: keun bae a, da geus kitu nasibna
Cepot: ah…keun bae…keun bae, kawas teu nyaah ka dulur teh? mangkaning si Gareng teh waktu dijurukeunna teh euy, sukuna heula ti heula, terjun. ari geus hirup, pilih kasih hirupna teh, disapirakeun bae, heueuh dibedakaeun jeung nu lian, tapi teu nanaon da pangeran tara nanggeuy baki
Dawala: ti bokongkokna kituh belegug!
Cepot: heueuh, ampun
Kresna: Astrajingga!
Cepot: kulan
Kresna: dina leresan ieu, kaula yakin yen si Gareng teh masih hirup, artina salamet
Cepot: duh… alhamdulillah kulan. abdi percanteun pisan, percanteun ka gusti Batara mah, da boga gambar kuda
Dawala: gambar Lopian kituh, lain gambar kuda!
Cepot: hehehe, heueuh
Raja: modal jahat! bintang!
Kresna: e… eh dala, Gatotkaca! naon eta cocorowokan belah ditu? cing… cing…
lajeung Raden Gatotkaca ngabelesat ka awang-awang
Cepot: ku naon juragan anom?
Dawala: aya sora nu ait… aitan
Cepot: boa2 eta eta kaajahatanna kambuh deui ta si Ait, heuheu. moal kitu tukang kredit mah? heuheu
Dawala: hayu!! buru-buru a, urang udag. buru-buru a!!!
Cepot: euy
Dawala: a, itu lebar rejeki deuih
Cepot: naon?
Dawala: suwung… suwung rampak
Cepot: alah na… mani ruweuh kaseubeuhan. apan tadi isuk2 geus ngadaharab jeruk limun? kabina-bina teuing
Gatotkaca: hemm… pot!
Cepot: lan
Gatotkaca: Dawala!
Dawala: abdi
Gatotkaca: cicing heula di dinya, bisi aya kajadian naon2! itu tinggali aya jelema nu keur disiksa ku hiji denawa!
Raja: modar siah Amar Sakti, bangsat!
AS: aduh… naha naon atuh dosa kaula teh sang nalendra?
Raja: geura tegrakkeun kategaan awak maneh dina waktu ayeuna, geura tungkul kana jukut, geura tanggah ka sadapan, maneh bakal ditugel jangga Amar Sakti, aing teu sudi abrig-abrigan, teu suka aprak-aprakan mulung mantu kapelukan aing, boga minantu ka jelema sangsara balangsak, maneh ayeuna bakal ditugel jangga, bakal ditandasa, prak geura nyarita maneh, yeah sok geura ngomong, jahat! teu sudi aing boga minantu jelema sangsara balangak
AS: teu aya halanganna ari tos dugi kana waktuna mah, kaula kedah masing pati, tumekaning perlaya. bapa pileuleuyan, ema…, kakang Astrajingga, kakang Dawala. teras kana jadi indung, sanajan indung samperan tapi nyaaheun kabina-bina, ema hapunteun putra…. bapa, muga2 bapa kenging tangtayungan gusti kalayan ieu hapunteun abdi Gareng ti kateubihan, bilih leres ieu putra nembasing pati. kakang Artrajingga, kakang Dawala, pileuleuyan, oge kitu dunya dua papasangan, kulon-wetan, kaler-kidul, beurang-peuting, salah-bener, pileuleuyan…
Raja: hiyahahaha, modar siah!!
barang bade ditugel janggana ieu Amar Sakti, sapratanepun ieu Raden Gatotkaca anu sekeut pangdanguna, margi ieu jalma anu bade ditandasa teh, nyaeta nyambat2 Semar, nyambat2 Dewi Siti Ragen, Astrajingga sareng Dawala. atuh nyirorot ieu Gatotkaca, lumampah
Raja: hiyaaa…. jahat!!! kurang ajar, saha???
Gatotkaca: tong loba carita, andika rek nandasa ieu jalma nu teu tuah teu dosa!
Raja: binatang! utang pati bayar pati, utang wirang bayar wirang, saha ieu?
Gatotkaca: kaula Gatotkaca
Raja: hait… bangsat! edan kurang ajar, haha. aing rek ngarontok, kenengna si Gatotkaca nyatok pisan kana gado, bangsat! aing jadi ti… ti… ticatrok, binatang!
ieu hiji raja, anu kasebat Raja Jayeng Suksena, dipunjamak ku Raden Gatotkaca, pulih kajati pulang kaasal, nyaeta ieu teh sasat Dewi Gedeng Permoni ti nagara Setra Ganda Mayit
Gatotkaca: hait… hiya
Dewi Gedeng: aih…tobat, asa kabina-bina teuing, tobaaaat, ampun Gatotkaca
Cepot: eh… naon eta teh gan?
Gatotkaca: eh… geuning jadi dedemit awewena, ti Setra Ganda Mayit. ish… kabur siah?
Kresna: eh… eh… naha jadi kajadian model kieu, araneh teuing
Gatotkaca: eh, uwa
Cepot: duh… padahal Gan, mun pang newakeun, abdi teh kesepian hirup teh!
Dawala: ah… mani karoo kanu kitu2 wae?
Cepot: ihhhh, euy. na da mangpaatkeun we deuleu, kanu keur teu payu mah
Patih: ait, kurang ajar, saha eta???
Gatotkaca: ehhh, saha itu teh hiji deui?
Patih: mana bieu raja kaula?
Gatotkaca: tong loba carita bangsat! binatang!
patih Jayeng Suksara dipunjamak ku Raden Gatotkaca, pulih kajati pulang kaasal, jadi patih Jaya Winangkin ti nagara Setra Ganda Mayit
Gatotkaca: geuning eta teh dedemit ti nagara Setra Ganda Mayit
Kresna: ieu jurigna anu ngiwat Jamus Layang Kalimusada pusaka kaagungan, anu leungit ti nagara Amarta
Gatotkaca: Layang Jamus leungit, Uwa Semar teu aya, naha ieu teh dipilarian ku Uwa Semar atawa Uwa Semar memang dicandak ieu Layang Jamus?
Putri: tulungan… kaulanun, tulungan!
AS: eh… ieu akang Amar Sate, eh Amar Sakti
Putri: ahhhh… tobaaat teuing gusti… kang, sembah kapihatur kaulanun
AS: nuhun, geulis
Putri: salamet?
AS: salamet
Cepot: kabogohna geuning… kabogoh Amar
Dawala: ieu teh garwa, den Amar?
AS: leres kakang Dawala, kakang Astrajingga
Kresna: ieu teh saha?
AS: kaula teh Amar Sakti, gusti Batara
Kresna: eh… geuning anjeun apal ka kaula?
AS: terang, alanan kaula teh gaduh elmu PANOROPONG BINTANG
Cepot: heuheu… ma enya satria kampungan teuing euy, heueuh. mun ceuk urang mah boga elmu ieu tea geuning, sangka bolong. cing Amar Sakti, mun enya maneh boga elmu panoropong bintang, ari kaula anak saha?
AS: ieu teh anak Semar, ngaran Astrajingga, pang gedena di antara tilu anak Semar
Cepot: eleuh!
Dawala: ari kuring?
AS: ira mah kakang Gombala, putra bapa Semar keneh, nomor dua
Dawala: ari anak Semar nomor tilu, saha?
AS: ngarana Nala Gareng
Dawala: di mana ayeuna Nala Gareng?
AS: Nala Gareng teh teu jauh ti araranjeun, lamu dibaledog buncunur, lamun diciduhan lamokot tur bau. kakang Dawala, kakang Astrajingga, gusti Batra oge Raden Gatotkaca
Gatotkaca: naon satria?
AS: saleresna kaula Amar Sakti teh Gareng tea. bilih teu percanteun
lajeng bae ieu Amar Sakti, lengit tanpa lebih, ilang tanpa karana, jangelek jadi Nala Gareng
Gareng: haduh…
Cepot: Gareng…
Dawala: aduh si Gareng
Gatotkaca: ishhh… naha si Gareng geuning?
Kresna: si Gareng
Gareng: heuheu kuring cageur kang! Gareng boga pamajikan geulis, nya?
barang ditingali, ieu putri leungit tanpa lebih, ilang tanpa karana, kangelek nyatana jadi Layang Jamus Kalimusada
Kresna: e… eh, Gatotkaca, ieu geuning Layang Jamus Kalimusada teh
Cepot: paingan… dipaok maneh Layang Jamus teh?
Gareng: lain… belegug, ieu teh menang nyokot aing deuleu, ieu teh dibabawa ku raja Gedeng Permoni
Pandita: pangapunteun nun
Kresna: e…eh, saha ieu?
Pandita: kula, anu ngaran Pandita Sidik Mulya nyaeta usaha milarian ieu Layang Jamus Kalimusada. Dawala, Astrajingga, Nala Gareng sareng Raden Gatotkaca, oge sembah kapihatur kabhunjuk gusti Batara
lajeng bae ngagibegkeun dirina ieu pandita Sidik Mulya dadia Lurah Semar Badranaya
Semar: hahaha
Gatotkaca: uwa!
Kresna: aih… geuning kakang Semar
Cepot: bapa! ah geus teu aneh deui bapa dewek mah, tah kitu matak teu meulang oge, bapa dewek mah bisa mancala putra mancala putri
Semar: emmm…gusti, parantos salamet Layang Jamus Kalimusada, parantos kapendak juragan anom. rupina ieu lalakon Amar Sakti urang cekapkeun dugi kadieu. Kembang sinetik sinebaran, tutup lawang sigotaka.